DETECCIÓN DE POLYPHAGOTARSONEMUS LATUS Banks SOBRE CAMELIA EN GALICIA

A araña branca dos invernadoiros, Polyphagotarsonemus latus, é unha especie moi polífaga que se atopa distribuída nas zonas subtropicais e mornas de todo o mundo. No verán de 2007 detéctase en Galicia sobre plantas de Camellia japonica de viveiro, producindo unha falta de desenvolvemento, enrolado das follas máis novas e tenras (normalmente cara ao revés) e un bronceado de zonas localizadas do revés das follas con aspecto dourado, brillante. Debido á rapidez do ciclo biolóxico desta especie de ácaro tarsonémido, no viveiro adoptáronse inmediatamente medidas de control, illando os rodais afectados do resto de plantas e aplicando tratamentos acaricidas para frear a proliferación das poboacións. Dende entón, non volveu a localizarse.

Síntomas de Polyphagotarsonemus latus en gromo de camelia	Ovos de araña branca en folla de camelia